५ फागुन, पर्वत । जिल्लाको आर्थर गाविसमा रहेको पन्चकोशी उच्च माविका कक्षा कोठाहरुमा सिसिक्यामरा जडान गरिएको छ । शैक्षिक गुणस्तर बृद्धि र विद्यार्थी अनुशासन कायम गर्न विद्यालयले सवै कक्षा कोठा, प्रयोगशाला र कार्यालयमा समेत गरी १६ वटा सिसिक्यामरा जडान गरेको हो ।
स्थानीय ब्यक्तिहरुको सहयोगमा झण्डै १ लाख ४५ हजार रुपैंयाको लागतमा विद्यालयमा सिसिक्यामरा जडान गरिएको विद्यालयका प्राचार्य अर्जुन पौडेलले जानकारी दिए । सिसिक्यामराको विहिबार एक कार्यक्रमका वीच स्थानीय विकास अधिकारी युवराज पौडेलले शुभारम्भ गरे । बिद्यालयका कक्षा कोठामा क्यामरा जडान गर्दा शिक्षक र विद्यार्थी दुवैलाई अध्ययन, अध्यापनमा थप जिम्मेवार बनाउनका लागि क्यामरा जडान गरिएको विद्यालय ब्यवस्थापन समितिका अध्यक्ष दुर्गाप्रसाद शर्मा बताउँछन । शर्माले क्यामराले केहि अध्ययनमा केहि नकारात्मक असरहरु पर्न पनि सक्ने भएपनि समग्रमा अध्ययन कार्यमा विद्यार्थी र अध्यापन कार्यमा शिक्षकलाई संवेदनशिल बनाउन पनि उक्त कार्यलाई अगाडि बढाईएको उनले बताए । विद्यालयमा विद्यार्थीहरुमा अनुशासनहिनता बढदै जाँदा त्यसको नियन्त्रणलाई समेत सहयोग पुग्ने शर्माको विश्वास छ ।
समयमा कक्षामा शिक्षकहरु नजाने, विद्यार्थीहरु होहल्लामा समय ब्यत्तित गर्ने गरेका कारण शैक्षिक गुणस्तरमा विद्यालयमा क्रमशः घट्न थालेको भन्दै विद्यालय प्रशासनले विद्यालयमा सिसिक्यामराको ब्यवस्थापन गरेको हो । सिसिक्यामराका लागि स्थानीय रमेश गौतमले ७५ हजार, रुद्रमोहन रिमालले ३५ हजार र लेखनाथ रिमालले ३५ हजार रुपैंया नगद सहयोग गरेका छन ।
ग्रामीण भेगमा रहेको सामुदायिक विद्यालय भएपनि प्रविधि मैत्री गुणस्तरीय सेवा प्रवाहमा विद्यालयले जिल्लाको अग्रणी भूमिका हासिल गर्न उद्दत रहेको स्थानीय विकास अधिकारी पौडेलले बताए । ३ सय ५० जना विद्यार्थी संख्या रहेको विद्यालयमा आगामी शैक्षिक शत्र देखि अंग्रेजी माध्यममा अध्यापन शुरु हुने गरी विद्यालयले तयारी गरेको छ । अंग्रेजी माध्यममा अध्ययनका लागि गाउँका विद्यार्थीहरु बजार झरेर गाउँ नै रित्तो हुन थालेपछि विद्यालयले अंग्रेजी माध्यममा समेत अध्यापनको तयारी गरेको हो । उक्त कार्यका लागि विद्यालयका भूतपूर्व विद्यार्थीहरुले झण्डै १ करोेड बराबरको कोष स्थापना गर्ने गरी सहयोग रकम उठाउने अभियान सञ्चालन गरीरहेको छन ।
प्रतिकृया दिनुहोस्