१३ असोज, पर्वत । मध्यपहाडी लोकमार्ग अन्तर्गत पर्वत जिल्लाको कुश्मा नगरपालिका वडा न ७ र ८ को सिमानामा पर्ने तमादीखोलामा शनिवार साँझा आएको बाढिले टाटा सुमो जीप बगाउँदा वेपत्ता ३ जना यात्रु मध्ये २ जनाको पहिचान खुलेको छ ।
भिषण बर्षात संगै खोलामा आएको बाढिले ग १ ज ६३१३ नम्बरको जीप बगाउँदा जीपमा सवार ३ जना यात्रु वेपत्ता भएका थिए । बर्षातको कारण आएको बाढिले बगाउँदा वेपत्ता भएको जीप भने सोहि खोलाको झण्डै ७सय मिटर तल फेला परेको छ ।
जीपका पाट्सहरु छरिरहेको रहेको र जीपको मुख्य भाग बाढिले पुरिएको अवस्थामा फेला परेको जिल्ला प्रहरी कार्यालय पर्वतले जनाएको छ । जीपमा सवार भनिएका ३ जना मध्ये २ जनाको भने पहिचान भएको र थप पुष्टि हुन भने बाँकी रहेको जिल्ला प्रहरी कार्यालय पर्वतले जनाएको छ ।
जीपमा सवार मध्ये रुपन्देही घर भएका गोपाल बस्याल र कास्की घर भएका विजय पौडेलको पहिचान भएको छ । उनीहरुको पारिवारिक श्रोतसंग सम्पर्क गर्ने प्रयास प्रहरीले गरेको छ । थप १ जनाको पहिचान हुन बाँकी रहेको छ ।
