मोदी गाउँपालिकाको पाँचौं गाउँसभामा
मोदी गाउँपालिकाका अध्यक्ष श्री प्रेम शर्मा पौडेलबाट प्रस्तुत
आर्थिक वर्ष २०७६।०७७ को नीति तथा कार्यक्रम
गाउँ सभाका सदस्यज्युहरु,
– गाउँको विकास र समृद्धिका लागि स्थानीय तहहरु सञ्चालनमा आई संघीय लोकतान्त्रीक गणतन्त्र संघीय, प्रदेश तथा स्थानीय तहहरु गाउँपालिका, नगरपालिका संस्थागत भएका छन् । जनमतद्वारा स्थापित भएको गाउँ सभाको “मोदी गाउँपालिकाका विकासका पाँच आधार , जल विद्युत, कृषि, पर्यटन, पर्यावरण र भौतिक पूर्वाधार” भन्ने मूल मन्त्रका साथ पाँचौँ गाउँसभामा यस गाउँपालिकाको अध्यक्षका हैसियतले मोदी गाउँपालिकाको आर्थिक वर्ष २०७६/७७ को नीति तथा कार्यक्रम प्रस्तुत गर्न पाउँदा गौरव महशुस गरेको छु ।
– . राष्ट्रलाई निरङ्कुश सामान्ती शासनप्रणलीको अँध्यारो युगबाट जनताका प्रतिनिधिमार्फत राज्य संचालन गर्ने सङ्घीय लोकतान्त्रिक गणतन्त्रको उज्यालो युगमा पुर्याउने क्रममा जीवन उत्सर्ग गर्नुहुने सम्पूर्ण ज्ञात अज्ञात सहिदहरु प्रति श्रद्धाञ्जली ब्यक्त गर्दछु । राष्ट्रियता, राष्ट्रिय हित एवं स्वाभिमान, लोकतन्त्र र जनजीविकाको आन्दोलनको नेत्तृत्व गर्नुहुने अग्रजहरु प्रति उच्च सम्मान ब्यक्त गर्दछु, नेपाली समाजको रुपान्तरणमा उहाँहरुले पुर्याउनुभएको योगदानको स्मरण गर्न चाहन्छु ।
– हाम्रो गाउँपालिका प्राकृतिक सुन्दरता र सांस्कृतिक विविधताले भरिपूर्ण छ । समाजको उत्पत्ति, वनोट, सभ्यता र संस्कृतिको विकास समेत विविधतापूर्ण छ । यी हाम्रा साझा सम्पत्ति हुन् । यो यथार्थतालाई आत्मसात गरी सामाजिक एवम् साँस्कृतिक समानता र सहिष्णुतामा एकताबद्ध, सभ्य र सुसंस्कृत समाज निर्माण गर्ने मोदी गाउँपालिकाले नीति लिएको छ ।
– सबै प्रकारका वर्गिय, धार्मिक, लैङ्गिक तथा जातिय विभेद, वञ्चितीकरण र असहिष्णुताको अन्त्य गरी समन्यायिकरुपमा समृद्ध समाज निर्माण गर्ने मोदी गाउँपालिकाको नीति रहेकोछ । अवसरमा पछि परेका र पछाडि पारिएका समुदाय, क्षेत्र, लिंग र वर्गलाई विकासको मूल प्रवाहमा ल्याउन यस गाउँपालिका दृढ रहेको छ । छुवाछुत प्रथा जस्तो मध्यकालीन सामन्ती सोच र विचारलाई बदल्न गाउँपालिकाले जागरणमूलक कार्यक्रमहरु विभिन्न सामाजिक संघसंस्थाहरुको सहयोगमा सञ्चालन गर्नेछ । यसलाई सामाजिक अपराधको दायराभित्र ल्याउन गाउँपालिका प्रतिबद्ध छ ।
– हामी सुशासन, विकास निर्माण र आर्थिक समृद्धिका लागि सहमतिका साथ अघि बढ्न प्रतिबद्ध रहेका छौं । यो प्रतिबद्धता पुरा गर्न गाउँपालिका सबै राजनैतिक दल, नीजि क्षेत्र, नागरिक समाज र सञ्चार जगतको साथ एवम् सहयोगको लागि आव्हान गर्दछौं । हामी निरन्तर रुपमा नागरिकसंग अन्तर सम्बाद गर्दै अधिकार सम्पन्न र सक्षम गाउँपालिका बनाउन चाहन्छौं । मोदी गाउँपालिकाका विभिन्न वडाहरुमा गठित टोल विकास सँस्थाहरुको संस्थागत विकास र उनीहरुको योजना तर्जुमा, कार्यान्वयन, सुशासन र सामाजिक विकास सम्बन्धी क्षमता विकास तथा सञ्चालनका लागि क्षमतावान बनाईनेछ ।
– गाउँपालिकाको विकास र समृद्धि हासिल गर्न नागरिक अधिकार, सबैलाई समान अवसर, मजवुत सुरक्षा र सम्मान सहितका स्तम्भमा आबद्ध गराउँदै सबल र समृद्ध गाउँपालिका निर्माण गरी समृद्ध नेपाल, सुखी नेपाली को राष्ट्रिय अभियानलाई अनुभूत देखिने गरी सार्थक बनाईनेछ ।
– हाम्रो विकास प्रतिको सकारात्मक सोचले आर्थिक र सामाजिक क्षेत्रमा रुपान्तरण ल्याउनेछ । दिगो विकास लक्ष्यहरु र समृद्धिका आधारलाई पूरा गर्ने विकास नीति, कानून, संस्था, जनशक्ति, स्रोत र साधन, सहभागिता, सेवा प्रवाह, अनुगमन र मूल्याङ्कनका क्षेत्रमा ध्यान दिइनेछ । वर्तमान पुस्ताले नै अनुभूत गर्ने गरी विकास र समृद्धि हासिल गर्ने तर्फ केन्द्रित हुने नीति तर्जुमा गरिनेछ ।
– समाजबाद उन्मुख अर्थव्यवस्थाको लक्ष्य र उद्देश्य हासिल गर्नका लागि यो नीति तथा कार्यक्रमले मार्गनिर्देश गर्नेछ । आर्थिक विकासमा सहभागी हुने, योगदान गर्ने र प्रतिफल प्राप्त गर्ने अवसर गाउँपालिकाभित्रका सबै नागरिकलाई समन्यायिक रुपमा उपलब्ध गराईनेछ ।
– सवल र समृद्ध गाउँपालिका निर्माण गर्नका लागि आर्थिक वर्ष २०७६र७७ को नीति तथा कार्यक्रमले संवैधानिक व्यवस्था, स्थानीय तहको अधिकार सूची, नेपालले अन्तर्राष्ट्रिय स्तरमा जनाएको दिगो विकास लक्ष्यहरु, संघीय आर्थिक नीति र प्रदेश सरकारले आर्थिक वर्ष २०७६र७७ मा लिएका नीति तथा कार्यक्रमलाई मार्गदर्शनको रुपमा लिइएको छ । यो आर्थिक वर्षलाई मोदी गाउँपालिकाले सुदृढ व्यवस्थापनका लागि आर्थिक संमृद्धिको तेस्रो वर्षको रुपमा कार्यान्वयन गरिनेछ ।
गाउँ सभाका सदस्य ज्यूहरु
गाउँपालिकाका समृद्धिको आधार र लगानी मैत्री वातावरण
– गाउँपालिकामा लगानी मैत्री वातावरणको सिर्जना गरिनेछ । उर्जा, पर्यटन, कृषि, वन, उद्योग र भौतिक पूर्वाधार विकासलाई आर्थिक समृद्धिको इन्जिनको रुपमा विकास गरिनेछ । साथै उच्च र तत्काल आर्थिक प्रतिफल प्राप्त हुने क्षेत्रमा नीजि र सहकारी क्षेत्रको लगानीलाई प्रोत्साहित गरिनेछ । प्रदेश सरकारको सहलगानीमा उद्योग ग्राम स्थापना गरिने छ । मोदी खोला र कालीगण्डकीको सेरोफेरो रहेको स्थानीय तहहरुको सहकार्यमा मोदी(काली आर्थिक कोरिडोरको निर्माणका लागि पहल गरिने छ ।
– मोदी गाउँपालिकाले संघीय सरकारको सहलगानीमा पच्चीस शैयाको सामुदायिक अस्पताल निर्माणको थालनी गरिने छ ।
ज्ञद्द. आन्तरिक र विदेशी पर्यटक भित्र्याउन होमस्टेलाई सवलीकरण गर्दै, पर्यटन पूर्वाधार तथा जनजातीय संस्कृतिको विकास गर्ने र नयाँ गन्तब्यहरुको विकास गरी पर्यटक मैत्री वातावरण सृजना गर्ने, गाउँपालिकामा भ्यू–टावर, सांस्कृतिक संग्रहालय, पार्क र अन्य पर्यटकीय संरचनाको निर्माण गरिने छ ।
अर्थतन्त्रको आधारः पर्यटन र पूर्वाधार
– पर्यटन क्षेत्रको एकिकृत विकास गर्न स्पष्ट कार्ययोजना सहितको पर्यटन विकास गुरुयोजना तयार गरिनेछ । साथै आवश्यकता अनुसार पर्यटन पूर्वाधारको डि।पि।आर।समेत तयार गरिने छ
– . धार्मिक, सांस्कृतिक, ऐतिहासिक तथा पुरातात्विक महत्वका स्थलको संरक्षण र पूर्वाधारको विकास गरिनेछ । पर्यटकीय पूर्वाधारको विकास निर्माण गर्दा वातावरणीय संरक्षण गर्ने नीति लिइनेछ ।
– . पर्यटन व्यवसायको विविधीकरण र विस्तारबाट नागरिकको जीविकोपार्जन र रोजगारीका अवसरमा वृद्धि गर्दा पर्यापर्यटन र ग्रामीण पर्यटनमा जोड दिइनेछ । कम्तिमा १६ वटा वस्तिलाई नमूना पर्यटकीय गाउँको रुपमा विकास गरिनेछ ।
– विभिन्न ग्रामीण पर्यटन केन्द्र, होमस्टे, पदमार्ग र यात्रालाई संरक्षण, सम्बर्द्धन सौन्दर्यीकरण र विकास गर्दै पर्यटकीय गन्तव्यको प्रवर्द्धन गरिनेछ ।
– . पर्यटन व्यवसायको बजारिकरण गर्न आधुनिक सूचना प्रविधिको उपयोग गरिनेछ । पर्यटक आकर्षणका लागि प्रचार प्रसार तथा सूचनाको प्रवाह गर्न पर्यटन सेवा सूचना केन्द्रको स्थापना गर्दै लगिनेछ ।
उज्यालो गाउँपालिकाका लागि उर्जा विकास
– संघ, प्रदेश, गाउँपालिका र नीजि क्षेत्रको सहभागितामा जल विद्युत उत्पादनलाई प्राथमिकता दिइनेछ ।
– . गाउँपालिकाका सबै नागरिकमा विद्युतको पहुँच पुर्याउन जलविद्युत तथा वैकल्पिक ऊर्जाको माध्यमबाट उज्यालो गाउँपालिका कार्यक्रम कार्यान्वयनमा जोड दिइनेछ । आगामी दुई वर्षभित्र विद्युतको पहुँच नपुगेका घरधुरीहरुमा विद्युत सेवा पुयाइनेछ ।
– . पूर्णरुपमा विद्युतीकरण भैसकेको यस मोदी गाउँपालिकामा सामुदायिक विद्युतीकरण अन्तर्गतका केही काठेपोल प्रयोग भएको र ती जीर्ण भैसकेकोले काठेपोल विस्थापनको नीति लिइने छ ।
– . पूर्णरुपमा विद्युतीकरण भैसकेको यस मोदी गाउँपालिकामा सामुदायिक विद्युतीकरण अन्तर्गतका केही काठेपोल प्रयोग भएको र ती जीर्ण भैसकेकोले काठेपोल विस्थापन गर्ने काम यसै वर्ष सम्पन्न गरिने छ ।
कृषि, पशुपालन, फलफुल खेती र सिंचाई समृद्धिको उचाई
– कृषि र पशुपंक्षी उत्पादनलाई दोब्बर गर्नका लागि कृषि क्षेत्रको अल्पकालीन, मध्यकालीन र दीर्घकालीन नीति, रणनीति तथा योजना तर्जुमा गरी कार्यान्वयन गरिनेछ ।
– दुध, अण्डा, माछा, मासु, सुन्तला, अदुवा र अलैचीलाई उत्पादन बृद्धि गर्न गाउँपालिका र अन्य सहयोगीहरु विच साझेदारी कार्यक्रम सञ्चालन गरिनेछ । साथै एक वडा एक संकलन केन्द्र र ढुवानिको लागि अनुदानको ब्यवस्था गरिने छ ।
– कृषिको उत्पादन र उत्पादकत्व वृद्धि गर्न कृषक समूह, कृषि उद्यमी, कृषि कम्पनी र कृषि सहकारीलाई कृषि आय र प्रतिफलका आधारमा अनुदान प्रोत्साहन गरिनेछ ।
– . सार्वजनिक नीजि साझेदारीमा एक वडा एक नमूना व्यवसायिक कृषि तथा पशु विकास कार्यक्रम र एक गाउँ एक उत्पादन कार्यक्रम सञ्चालन गर्ने नीति लिईनेछ ।
– . पर्यटन सेवाका लागि आबश्यक पर्ने अर्गानिक उत्पादन, जडीबुटी खेती, संकलन र प्रशोधन उद्योगको स्थापना गर्ने नीति लिइनेछ । बाँझो जमीनलाई ब्यवस्थापन गर्न जडिबुटी खेतीलाई प्रोत्साहन गरिने छ ।
– . कृषि र पशुपालनमा नमुना व्यवसायिक फर्म सञ्चालन गरिनेछ । युवा कृषकलाई कृषिमा आकर्षित गर्न उत्प्रेरित गरिनेछ । विपन्न वर्गको उत्थान र लक्षित समूहलाई सहयोग हुने कृषि तथा पशु विकास कार्यक्रमलाई जोड दिइनेछ ।
– . कृषि तथा पशु उत्पादन प्रविधि र उपजको गुणस्तरीय मापदण्ड तर्जुमा गरी नियमनको व्यवस्था गरिनेछ । प्रदेश सरकारसंगको सहकार्यमा कृषकलाई बाली र पशुपंक्षी विमा गर्नका लागि प्रोत्साहित गरिनेछ ।
– मोदी गाउँपालिकामा एक शीत भण्डार र एक कृषि उपज बजार केन्द्र निर्माण गर्ने नीति लिइनेछ ।
– . कृषि बजारमा रहेका बिचौलिया प्रवृत्तिको अन्त्य गरी कृषि उत्पादनमा कृषक र उपभोक्ताको सीधा सम्पर्कको लागि कृषि सहकारीलाई सबलीकरण गरिनेछ ।
– . कृषि उत्पादनमा बृद्धि गर्न परियोजनाका आधारमा साना र नयाँ प्रविधिमा आधारित सिंचाईमा पूँजीगत अनुदान उपलब्ध गराइनेछ ।
– . गाउँपालिकाको भूउपयोग नीति ल्याइनेछ । सरकारी, सार्वजनिक, ऐतिहासिक सम्पदा र धरोहरका जग्गाको संरक्षणमा जोड दिइनेछ ।
– . जग्गाको खण्डीकरण र बाँझो राख्ने प्रवृत्तिलाई निरुत्साहित गर्न चक्लाबन्दीमा आधारित खेती प्रणालीमा जोड दिइनेछ ।
– . सहकारी एवम् सामुहिक खेती प्रणालीको नीति अवलम्वन गरिनेछ । सहकारी संस्थामा रहेको बचतलाई उत्पादनशील क्षेत्रमा परिचालन गर्न एक सहकारी एक नमूना उत्पादन तथा ठूला फार्म संचालन कार्यक्रमलाई प्रोत्साहन गरिनेछ ।
– सहकारीको अनुगमन निरीक्षण, सहकारी सचेतना, सहकारी शिक्षा तथा तालिम, उद्यमशीलता र नेतृत्व विकास गरी सहकारीलाई समृद्धिका लागि वित्तीय लगानी कर्ताको रुपमा प्रबद्र्धन गरिनेछ ।
– गरीव, उत्पीडित, विपन्न वर्ग र समुदायको आयआर्जनका लागि युवा स्वरोजगार कार्यक्रम सञ्चालन गरिनेछ । स्वरोजगारमूलक उद्योग एवम् व्यवसाय स्थापना गर्न आवश्यक पर्ने अनुदान र सीपमूलक तालिम प्रदान गरिने व्यवस्था मिलाईनेछ ।
गाउँसभाका सदस्य ज्यूहरु
रोजगारी अभिबृद्धिका लागि औद्योगिकीकरण
– उत्पादन बृद्धि, रोजगारी सृजना र गरीवी न्यूनीकरणमा टेवा पुयाउने साना तथा मझौला उद्योगमा विशेष जोड दिइनेछ । परम्परागत ज्ञान, स्थानीय सीप, प्रविधि र कच्चा पदार्थमा आधारित घरेलु साना तथा लघु उद्योगलाई प्रवर्द्धन गर्ने नीति अवलम्वन गरिनेछ । औद्योगिक उत्पादनमा बृद्धि गरी उपभोग्य वस्तु तथा सेवामा क्रमशः आत्मनिर्भर हुने नीति लिइनेछ ।
– . स्थानीयस्तरमा उत्पादित वस्तु तथा सेवाको उपभोगलाई प्राथमिकता र प्रोत्साहन दिइनेछ ।
– . गाउँपालिकामा रहेका खानी तथा खनिज पदार्थको अन्वेषण, उत्खनन, प्रशोधन र प्रयोगमा जोड दिइनेछ ।
– . नदीनाला, तालतलैया, वन जंगल, जडीबुटी, खनिज स्रोतको बहुआयामिक प्रयोगका साथै उत्पादन बृद्धि, रोजगारी सृजना र आयआर्जनमा जोड दिइनेछ ।
– . गाउँपालिकाभित्र विशेष आर्थिक क्षेत्रहरुको पहिचान गर्ने कार्य यसै वर्षबाट थालनी गरिनेछ ।
– युवा लक्षित कोषबाट युवा उद्यमशीलताका कार्यक्रम सञ्चालन गरिनेछ । गरीव, दलित र पछि परेका समुदायलाई विषेश प्राथमिकतामा राखिने छ ।
– . अत्यावश्यक सेवा तथा वस्तु सहज, सुलभ र नियमित रुपमा उपलब्ध गराउन सार्वजनिक, नीजि तथा सहकारी क्षेत्रलाई सहभागी गराउदै उपभोक्ता हित संरक्षण तथा प्रवर्द्धन गरिने व्यवस्था मिलाइनेछ ।
– मोदी गाउँपालिकाभित्र उपभोग हुने खाद्यवस्तुको गुणस्तर परीक्षण गर्नका लागि अध्ययन शुरु गरिनेछ । मोदी गाउँपालिकामा एक वटा सहकारी पसल स्थापना गरिने छ । पालिका भित्रको बजार अनुगमन प्रणाली तर्फ नियमित र व्यवस्थित गरिने छ ।
– . मर्यादित श्रम र समान कामको समान पारिश्रमिकको अन्तर्राष्टिय प्रतिवद्धता कार्यान्वयन गर्दै हरेक क्षेत्रमा रहेका श्रमिकको सीप र दक्षतालाई मापन गरी सामाजिक सुरक्षाको दायरामा ल्याइनेछ ।
वन तथा वातावरणः
– . वन क्षेत्रको उत्पादकत्व र वन पैदावारको उत्पादन बृद्धि गर्न समृद्धिका लागि वन कार्यक्रम लागु गरिनेछ । जडीबुटी, कृषि वन तथा गैरकाष्ठ वन पैदावारको व्यवसायिक खेती र उत्पादन बृद्धिलाई प्रोत्साहन गरी मोदी गाउँपालिकालाई जडिबुटी जोनकोरुपमा विकास गरिने छ ।
– . गाउँपालिकाभित्र रहेका तालतलैया नदी र खोलाहरुबाट हुने जोखिम न्यूनीकरण गर्नका लागि मोदी एकिकृत जलधार संरक्षण कार्यक्रम सञ्चालन गरिनेछ ।
– . जलवायु अनुकूलित गाउँपालिका, प्रदुषण न्यूनीकरण र दिगो विकासका लागि वातावरणमैत्री नीति लिइनेछ । प्रदेशको सहकार्यमा एक गाउँ एक पोखरी निर्माणको नीति अवलम्बन गरि पुनर्भरण पोखरीहरु निर्माण गरिने छ । पंचासे ताल संरक्षणलाई विशेष जोड दिइने छ ।
– मोदी गाउँपालिकाको जलजलामा ताल निर्माणको लागि विस्तृत अध्ययन गर्ने कार्य यसै वर्ष पुरा गरिने छ ।
छण्. मोदी गाउँपालिकाको विपद प्रतिकार्य योजना तयार गरी कार्यान्वयनमा ल्याईने छ । जलवायु परिवर्तनको असरलाई कम गर्न अनुकुलन योजना तयार गरी लागु गरिने छ ।
– . प्राकृतिक स्रोतको उपयोग र व्यवस्थापनको कानून र मापदण्डका आधारमा अनियन्त्रित र अवैध दोहनलाई नियन्त्रण र नियमन गरिनेछ ।
– . सडक निर्माण गर्दा सडक पाखा संरक्षण र बायो इन्जिनियरिङ्गका लागि ३५ रकम छुट्याई हरियाली प्रवर्धन गरिने छ ।
– . सफा वातावरण, स्वच्छ जीवन कार्यक्रमलाई प्रदेश सरकारसंग समन्वय गरी अभियानको रुपमा अगाडी बढाइनेछ । स्वच्छ र हरियाली वातावरणका लागि सार्वजनिक स्थलमा बृक्षारोपण गर्ने कार्यलाई प्राथमिकता दिइनेछ । मोदी गाउँपालिकालाई सफा र हरियाली युक्त गाउँपालिका बनाउने नीति अवलम्बन गरिने छ ।
गुणस्तरिय भौतिक पूर्वाधार, गाउँपालिका विकासको आधारः
– संघ र प्रदेश सरकारसंगको साझेदारीमा गाउँपालिका केन्द्रबाट वडा केन्द्रसम्म पुग्ने सडकलाई ५ वर्षभित्र कालोपत्रे सडक बनाउने नीति लिइएकोछ । सडकहरुको वर्गीकरण र अधिकरणक्षेत्र कायम गरी क्रमशः स्तरोन्नती गर्दै वर्षमा एक वटा सडकलाई व्यवस्थित गर्दे जाने नीति लिईने छ । संघ र प्रदेशको सहलगानीमा संभाव्य मोटेरेबल पुल र सडकको डिपिआर तयार गरिने छ ।
– गाउँपालिका स्तरीय सडकमा वर्षै भरी यातायात संचालन गर्न सडकको स्तरोन्नती र सडक पुलको निर्माणलाई प्राथमिकता दिईनेछ । दुर्गम गाउँ बस्तीमा पहुँच पुर्याउन झोलुङ्गे पुल निर्माणमा जोड दिईने छ ।
– गाउँपालिकाभित्रका नदी नियन्त्रण तथा पहिरो रोकथाममा जोड दिईनेछ । विकास निर्माणका आयोजनाहरु निर्माण गर्दा ती आयोजनाहरुले उत्पन्न गर्ने वातावरणीय प्रभाव, जोखिम, सम्भावित नोक्सानीहरुको अध्ययन पश्चात मात्र आयोजनाहरु कार्यान्वयन गर्ने नीति अवलम्बनमा जोड दिइनेछ ।
– अति विपन्न र सीमान्तकृत वर्गका लागि सुरक्षित आवासको विकास गरिनेछ । अपाङ्गता भएका व्यक्ति, जेष्ठ नागरिक, जोखिममा रहेका बालबालिका तथा व्यक्तिका लागि सामाजिक सुरक्षाको व्यवस्था गर्ने, भूमिहीनहरुको व्यवस्थापनको लागि कार्यक्रम बनाउने नीति लिईने छ । दलित वस्ती तथा दलितका बालबालिकाको बाहुल्यता रहेका विद्यालयहरुलाई विशेष सहयोग गरिनेछ ।
– गाउँपालिकाको कार्यालय आफ्नै भवनमा राख्नका लागि भवन निर्माण कार्यलाई तिब्रता दिइने छ । भवन नभएका वडा कार्यालयमा पनि क्रमशः भवन निर्माण गरिँदै लगिने छ ।
गाउँसभाका सदस्यज्यूहरु
सामाजिक क्षेत्रको विकास
– समृद्ध समाज विकासको मुख्य पूर्वाधार गुणस्तरीय वैज्ञानिक एंव प्राविधिक शिक्षामा हाम्रो सरोकार नीति अनुरुप सीपयुक्त जनशक्ति उत्पादनको लागि प्राविधिक तथा व्यवसायिक शिक्षाको लागि प्राविधिक विद्यालय स्थापना र संचालनमा निरन्तरता दिने कार्य गरिनेछ । दलित वालवालिकालाई प्राविधिक शिक्षामा जोड दिइने छ ।
– पढ्ने वानीको विकास गर्न मोदी गाउँपालिकाको केन्द्रमा एक सार्वजनिक पुस्तकालय स्थापना गर्ने नीति लिईनेछ ।
– नमुना विद्यालय स्थापनामा जोड दिइने छ । शैक्षिक गुणस्तर अभिबृद्धिका लागि प्रबिधिमैत्री शिक्षा नीति लिइने छ । उत्कृष्ट नतिजा ल्याउने विद्यार्थी र विद्यालयलाई पुरस्कारको ब्यवस्था गरिनेछ । यामुदायिक विद्यालयका शिक्षकहरुको बालबालिकाको तथ्याङ्क संकलन गरिने छ ।
– विद्यालय शिक्षाको गुणस्तरमा सुधार गर्न गाउँपालिकालाई सबलीकरण गरिनेछ । शिक्षकको सिकाई सीपमा सुधार ल्याउन तालिम र विद्यार्थीको सिकाई परिक्षण गर्ने व्यवस्था गरिनेछ । विद्यालयको सम्पत्ती र सार्वनजिक सम्पत्ती संरक्षण गर्ने नीति लिइने छ ।
– वैयक्तिक तथा सामुदायिक स्वास्थ्यमा सबैको ध्यान, गुणस्तरीय स्वास्थ्य सेवाको सर्वसुलभता हाम्रो अभियान अनुरुप सबै वडामा स्वास्थ्य संस्थाको स्तरोन्ती र दुर्घम स्थानमा सामुदायिक स्वास्थ्य ईकाइ गठन गर्ने नीति लिईने छ ।
– . स्वास्थ्य संग सम्बन्धित सुरक्षित मातृत्व तथा नव शिशु सम्बन्धी कार्यक्रम संचालनको साथै प्रदेश र संघको सहकार्यमा स्वास्थ्य विमा गरिनेछ । आर्थिक अभावका कारण स्वास्थ्य उपचार सेवा पाउन नसकेका अपाङ्ग, असहाय, अशक्त, गर्भवती, सुत्केरी, जेष्ठ नगरिक र विपन्न वर्गको उपचारको लागि मापदण्ड बनाई सहयोग प्रदान गरिने छ । मुटु तथा क्यानसर जस्ता रोगहरुबारे सचेतना कार्यक्रमहरु र उपचारका लागि शिविर सञ्चालन गरिने छ ।
– अति विपन्न, गर्भवती महिला र बालबालिकाको पोषण स्थितीमा सुधार ल्याउन बहुपक्षीय पोषण सुधार कार्यक्रम समन्वयात्मक रुपमा संचालन गरिनेछ ।
– . नागरिकको स्वास्थ्यमा प्रतिरोधात्मक र निरोधात्मक क्षमता सुधार गर्न महिला, शिशु र बालबालिकालाई पूर्ण खोपको प्रत्याभुती दिनको लागि खोप कोषबाट कार्यक्रम संचालान गरिनेछ ।
– . आयुर्वेद चिकित्सा पद्धतिमा प्रयोग हुने जडीबुटी संरक्षण, उत्पादन, प्रबद्र्धनको कार्यक्रम संचालन गरिनेछ ।
– . विभिन्न अस्पतालहरुको सहकार्यमा टेलिमेडिसिन कार्यक्रम संचालन गरिनेछ ।
– आगामी ३ वर्षमा खानेपानी नपुगेका गाउँ बस्तीमा आधारभूत खानेपानीको सूविधा पुर्याइने छ । प्रदेश तथा संघको सहकार्यमा एक घर एक धारा कार्यक्रम संचालन गर्न र स्वच्छ खानेपानीको पहुँच अभिबृद्धीका लागि लागत सहितको गुरुयोजना ९डि।पि।आर।० तयार गरिनेछ ।
– महिलाको सक्षमता र पहुँच विकासबाट मोदीको रुपान्तरण, शिक्षा, स्वरोजगार अनि उद्यमशीलता मार्फत, महिला सशक्तिकरण गर्ने नीति अवलोकन गरिने छ ।
ठज्ञ. शिक्षा स्वास्थ्य एंव रोजगारको क्षेत्रमा विशेष व्यवस्था, जनचेतना र सशक्तिकरण मार्फत परिवर्तन गर्दा दलितको अवस्था नीति अनुरुप दलितको उत्थान गर्ने नीति लिईने छ ।
– आगामी तीन वर्ष भित्र मोदी गाउँपलिकालाई बालमैत्री तथा नयाँ युवामैत्री गाउँपालिका घोषणा गरिने छ ।
ठघ. फरक क्षमता भएका अपाङ्गहरुलाई हरेक क्षेत्रमा प्राथमिकता र समानता अपाङ्गमैत्री पूर्वाधार विकास र सामाजिक सुरक्षामा हाम्रो प्रतिवद्धता लिईने छ । गाउँपालिका भित्र निर्माण हुने अस्पताल, शिक्षण संस्था र सबै किसिमका सार्वजनिक पूर्वाधारहरु अपाङ्गमैत्री र बालमैत्री बनाईनेछ ।
– . आर्थिक स्रोत र सधानमा पहुँच पुर्याई विपन्न तथा अति विपन्न परिवारको जीवनस्तरलाई उकास्ने नीति लिईनेछ
– . हिंसा पिडित महिला तथा बालबालिकाहरुलाई सहयोग गर्ने नीति लिइनेछ ।
– . महिला तथा बालबालिकामा हुने घरेलु हिंसा, लैङ्गिक हिंसा, श्रम शोषण, बालविवाह, मानव वेचविखन, शारीरिक तथा मानसिक यातना लगायतका सबै खाले हिंसाको अन्त्यको लागि कार्यक्रम संचालन गरिनेछ ।
– संघ र प्रदेशसंगको सहकार्यमा हिंसा पिडित महिला, बेवारिसे र श्रमिक बालबालिकाको व्यवस्थापनका लागि पुनस्र्थापना केन्द्र स्थापना गरी संचालनमा ल्याउन आवश्यक कार्य शुरु गरिने छ ।
– . गाउँपालिका स्तरमा राष्ट्रिय तथा अन्तराष्ट्रिय गैरसरकारी संस्थाबाट संचालन हुने सबै कार्यक्रमलाई गाउँपालिकाबाट स्वीकृति दिई, पारदर्शी, दिगो र जनताको हितमा हुने गरी संचालन गर्ने व्यवस्था मिलाइनेछ ।
– . युवालाई राष्ट्र र गाउँको विकास एवं समृद्धि प्रति जिम्मेवार र नैतिकवान बनाउन युवा नीति ल्याइनेछ ।
डण्. वातावरण संरक्षण,गाउँ बस्ती सफाई एवं विपद व्यवस्थान र गाउँपालिका सेवा तथा कार्यमा युवा स्वयंसेवकको परिचालन गरिनेछ ।
– . संघ र प्रदेशको सहलगानीमा एक कवर्डहलको निर्माण गरी युवा तथा खेलकुदलाई सशक्त बनाइने छ ।
डद्द. गाउँपालिकाका बिभिन्न जनजातिहरुको इतिहास, धर्म, संस्कृति, भाषा र लिपिको महत्व झल्काउने संग्रहालय स्थापना गरिनेछ ।
वित्त तथा वित्तीय क्षेत्र
– गाउँपालिकाको दीर्घकालिन राजश्व नीति तर्जुमा गर्दै राजस्वका स्रोत पहिचान गरी राजस्वको दायरा विस्तार गर्ने नीति लिइनेछ । आन्तरिक स्रोत वृद्धिमा जोड दिइनेछ । सहकारी, विभिन्न संघ संस्था र कोषहरुमा निष्कृय रहेको रकमलाई उत्पादनमूलक क्षेत्रमा परिचालन गरिनेछ ।
– उच्च आर्थिक प्रतिफल दिने, भौतिक तथा सामाजिक पूर्वाधारका योजना लाई समावेशी विकासमा प्राथमिकता दिई बजेट विनियोजन गरिनेछ । विकास आयोजना र कार्यक्रमलाई नतिजासँग आबद्ध गरी वित्तिय अनुशासन कायम गर्ने, सार्वजनिक खर्च प्रणालीलाई व्यवस्थित गर्ने नीति लिइनेछ ।
– . गाउँबासीलाई बैंकमा खाता खोल्न प्रोत्साहित गरिनेछ । सहकारी, निजी र संगठित क्षेत्रबाट हुने सबै प्रकारका भुक्तानी क्रमशः बैंक खाताबाट मात्र हुने नीति ल्याइनेछ ।
जनताको सेवाको लागि सूशासन
– गाउँपालिकामा संस्थागत संयन्त्रको स्थापना गरी सार्वजनिक सेवालाई पारदर्शी, जवाफदेही, उत्तरदायी र नागरिक मैत्री बनाइनेछ । गाउँपालिकाले प्रदान गर्ने सेवा सुविधाको गुणस्तर सुनिश्चित गरिनेछ । सुशासनका लागि सार्वजनिक सेवा प्रवाहलाई सरलीकृत गरिनेछ ।
– . नीति निर्माण, सेवा प्रवाह र विकास आयोजना कार्यान्वयन गर्ने निकाय र जनशक्तिको व्यवस्थापकीय र प्राविधिक क्षमता अभिवृद्धि गरिनेछ ।
– . भ्रष्टाचार जन्य क्रियाकलापमा शुन्य सहनशीलताको अवधारणाका माध्यमबाट सुशासनमा टेवा पुर्याइनेछ । सदाचार प्रवर्द्धन हुने गरी सार्वजनिक पदाधिकारीलाई जिम्मेवार बनाइनेछ । सरकारी सेवालाई नागरिकको अपेक्षा अनुरुप कार्य गर्न विद्युतीय सुशासनमा जोड दिइनेछ ।
– . संघ र प्रदेशको सहकार्यबाट संविधानको एकल र साझा अधिकारसूचीको कानून तर्जुमा गरिनेछ ।
– . गाउँको सुरक्षा व्यवस्थालाई सुदृढ र प्रभावकारी बनाइनेछ । गाउँ प्रहरीको गठन, आवश्यक पूर्वाधार निर्माण, आधुनिकीकरण र व्यावसायीकरण गरी अपराध नियन्त्रण गरिनेछ ।
– . गाउँपालिकामा विपद् व्यवस्थापन कोष खडा भई संचालनमा आइसकेको छ । विपदको बेला खोज, उद्धार, राहत र पुनर्लाभ गर्न ठूलो रकमको आवश्यकता पर्ने हुँदा यस कोषमा योगदान गर्न नागरिक, गैर आवासीय नेपाली र निजी क्षेत्रलाई आव्हान गरिनेछ । विपद् व्यवस्थापन कोषमा जम्मा भएको रकम विपद पछिको खोज, उद्धार, राहत र पुनर्लाभमा मात्र खर्च गरिनेछ ।
– विपदका दृष्टिले जोखिम क्षेत्रको पहिचान गरी वैज्ञानिक नक्शांकन गरिनेछ । सुरक्षित स्थानहरुको पहिचान गरी खुला क्षेत्र घोषणा गरिनेछ ।
– गाउँपालिकाका सबै जनप्रतिनिधि र कार्यरत जनशक्तिको क्षमता अभिवृद्धि गर्न गाउँपालिकाको तालिम नीति र तालिमको आवश्यकता पहिचान गरी क्षमता विकासका लागि तालिम संचालन गरिनेछ ।
– गाउँपालिकाको तथ्यांक तथा सूचना संकलन, भण्डारण, विश्लेषण तथा सम्प्रेषणलाई अद्यावधिक गरी वस्तुगत बनाइने नीति लिइनेछ ।
– नागरिकको गुनासो सुनुवाई र सम्बोधन गर्ने कार्यक्रम संचालन गरिनेछ ।
– गाउँपालिका भित्रका विकास योजना, नीति, कार्यक्रम, आयोजना तथा सेवाप्रवाहको कार्यान्वयन पक्षलाई प्रभावकारी, नतिजामुखी, गुणस्तरीय, जवाफेदेही पूर्ण बनाउन अनुगमन र मूल्यांकन प्रणालीको विकास गरिनेछ ।
– गाउँपालिकाको कार्यालय र वडा कार्यालयहरुलाई प्रविधि मैत्री वनाई डिजिटल कार्यालयकोरुपमा विकास गर्दै लगिने छ । सेवा प्रवाह र गुनासो ब्यवस्थापनमा पनि आधुनिक प्रविधिको प्रयोग गरिने छ ।
गाउँ सभाका सदस्यज्यूहरु
– संघीय लोकतान्त्रिक गणतन्त्रले राष्ट्रका साझा लक्ष्य र उद्देश्य प्राप्तिका लागि सहकार्य र समन्वयको अपेक्षा गर्दछ । यसले स्वतन्त्रता, कार्यक्षमता अभिवृद्धि गर्न, विविधता सहितको बहुलता र प्रतिस्पर्धालाई स्वीकार गर्दछ । संघीयताले शान्ति र सुरक्षा कायम गर्न साझा मूल्य र मान्यता स्थापित गर्न प्रोत्साहित गर्दछ । गरिबी न्यूनीकरण, भोकमरीको अन्त्य, रोजगारीको सिर्जना, आर्थिक समुन्नति र समृद्धिका लागि पनि शान्ति र स्थीरता आवश्यक पर्दछ । यी हाम्रा साझा लक्ष्य साझा दायित्व र साझा चुनौतीको सामना गर्न संघीय र प्रदेश सरकारको समन्वय र अभिभावकत्वमा मात्र पूरा गर्न सकिन्छ । राष्ट्रिय कार्यभार र लक्ष्य हासिल गर्नमा गाउँपालिकाको महत्वपूर्ण र सार्थक भूमिका रहनेछ ।
– नागरिकको जीवनस्तरमा सकारात्मक परिवर्तन ल्याउन समन्यायिक र समतामूलक समाजको निर्माण गर्नका लागि संघीय लोकतान्त्रिक गणतन्त्रलाई सुदृढिकरण गर्न जरुरी छ । सुशासन र विकासका लागि जवाफदेही सरकारका माध्यमबाट आम नागरिकको विश्वास र भरोसा जित्न सकिन्छ । मोदी गाउँपालिकाले जनताका वास्तविक समस्याहरुलाई सम्बोधन गर्दै जनप्रिय काम गरेर लोकप्रिय हुन चाहन्छ ।
– नेपाली जनताको त्याग, संघर्ष र बलिदानीबाट प्राप्त भएको वर्तमान राजनैतिक उपलब्धिको संरक्षण र संस्थागत गर्ने जिम्मेवारी सबै नागरिक र स्थानीय तह, प्रदेश र संघीय सरकारको काँधमा आएको छ । यो उपलब्धिलाई गाउँपालिकाबाट जनताले अनुभूति गर्ने गरी उन्नत र नागरिकमैत्री बनाउँदै समृद्ध गाउँपालिका निर्माणका सहभागी हुन जनप्रतिनिधि, राजनैतिक दल, निजी क्षेत्र, राष्ट्रसेवक कर्मचारी, नागरिक समाज, सञ्चार जगत एवं सम्पूर्ण सरोकारवालाहरुलाई हार्दिक अनुरोध गर्दछु । सभामा यहाँहरुको सक्रिय रचनात्मक सहयोग गर्ने सबै पक्ष प्रति हार्दिक धन्यबाद समेत प्रकट गर्दछु ।
धन्यवाद ।
