२७ असार, पर्वत । सदरमुकाम कुश्मा बजारमा लिखित परीक्षामा उत्तिर्ण भएर अन्तवार्ताको तयारीमा रहेकाहरुका लागि दुई दिने अन्तरवार्ता तयारी विशेष कक्षा शुरु भएको छ । अन्नपूर्ण बहुउद्धेश्यीय सहकारी संस्था लिमिटेडको आयोजनामा तयारी कक्षा शुरु गरिएको हो । गत बर्ष पनि अन्तरवार्ता तयारी विशेष कक्षा संचालन गर्दा धेरै परीक्षार्थीहरुलाई फाईदा पुगेको प्रतिक्रिया पाएपछि यस बर्ष पनि परीक्षार्थीहरुकै मागको आधारमा विशेष तयारी कक्षा संचालन गरिएको तयारी कक्षाका संयोजक तथा नगर शिक्षा अधिकृत राजेन्द्रबहादुर क्षेत्रीले जानकारी दिए । पर्वत जिल्ला सहित बागलुङ र म्याग्दीका गरी झण्डै एक सय जना परीक्षार्थीहरु तयारी कक्षामा सहभागी भएका छन ।
संयोजक क्षेत्रीका अनुसार तयारी कक्षामा अन्तरवार्तामा सोधिन सक्ने प्रश्नहरु, बिषयगत जानकारी, पाठयक्रम, मूल्यांकन, शिक्षाको वर्तमान अवस्था, शिक्षा ऐन तथा नियमावली र तिनीहरुको संसोधन, नेपालले अन्तराष्ट्रिय रुपमा हस्ताक्षर गरेका सन्धि, अभिसन्धी र महासन्धि लगायतका बिषयबस्तुमाथि छलफल भैरहेको छ । त्यस्तै, परीक्षार्थीहरुमा आत्मविश्वास विकास गर्ने उद्धेश्यले प्रयोगात्मक रुपमा बिषय बिज्ञहरु तथा सहजकर्ताहरुबाट नमूनाका रुपमा अन्तवार्ता लिएर पनि अभ्यास गरिएको छ । तयारी कक्षाको शुभारम्भ कार्यक्रममा बोल्दै संयोजक तथा नगर शिक्षा अधिकृत राजेन्द्रबहादुर क्षेत्रीले तयारी कक्षामा सिकेका कुराहरुलाई व्यवहारमा उतार्दै अन्तवार्ताको तयारीमा लाग्न परीक्षार्थीहरुलाई सुझाव दिए ।
यस्तै, नेपाल शिक्षक संघ बागलुङका अध्यक्ष उमाकान्त पौडेलले अन्तवार्तामा सहभागी हुने बेलामा ध्यान दिनुपर्ने कुराहरुको बारेमा जानकारी गराउँदै उक्त समयमा पेश गर्नुपर्ने कागजातहरुको बारेमा ध्यान दिन अनुरोध गरे । शुभारम्भ कार्यक्रममा बिषय विज्ञ तथा सहजकर्ताहरु गोविन्द पोखरेल, बालकृष्ण बास्तोला, लक्ष्मण गौतम, भूमिराज शर्मा लगायतले पनि आप्mनो भनाई राख्दै लिखित परीक्षामा उत्तिर्ण हुनुभएका परीक्षार्थीहरुमा बधाई व्यक्त गरेका थिए । शुभारम्भ कार्यक्रमको संचालन पत्रकार संजय रेग्मीले संयोजन नगर शिक्षा अधिकृत राजेन्द्रबहादुर क्षेत्रीले गरेका थिए ।
