१९ भदौ, पर्वत । जिल्लाको कुश्मा नगरपालिका वडा न ४ अर्मादी घुम्ति भन्ने ठाउँमा एम्बुलेन्स र बस एक आपसमय ठोकिँदा दुर्घटना भएको छ । आज अपहन्न नारायणगढबाट बागलुङ गईरहेको बससंग एम्बुलेन्स एक आपसमा ठोकिएको हो ।
दुर्घटनामा ३ जना घाइते भएको प्रहरीले जनाएको छ । जिल्ला प्रहरी कार्यालय पर्वतका अनुसार बा प्र ०६ ००१ ख ०३०० नम्बरको बस र पर्वतको जलजला गाउँपालिकाको ग १ झ ६९५ नमबरको विरामी बोकेको एम्बुलेन्स आपसमा ठोकिएका हुन् ।
दुर्घटनामा परी कुश्मा नगरपालिका १ पाङ बस्ने ४५ बर्षकी भगवती क्षेत्रीको अवस्था गम्भिर रहेको प्रहरीले जनाएको छ । अवस्था गम्भिर रहेकी क्षेत्रीलाई पर्वत अस्पतालमा उपचार पश्चात पोखरा रिफर गरिएको प्रहरी नायब उपरिक्षक खुमलाल भुषालले जानकारी दिए ।
दुर्घटनामा परी कूश्मा १ पाङ कै ४९ बर्षकी केशरी अधिकारी र ५२ बर्षकी गीता कुमारी क्षेत्री पनि सामान्य घाइते भएकी छिन् । एम्बेलेन्समा उपचारका लागि पोखरा लैजादै गरेका बिरामी ५५ बर्षकी इश्वरी पाठक पनि दुर्घटनामा थप सामान्य घाइते भएको प्रहरीले जनाएको छ । पाठकलाई बान्ता नरोकएपछि उपचारका लागि पोखरा लगिदै थियो ।
मध्य पहाडी लोकमार्ग अन्तर्गत कुश्मा नगरपालिका ४ अर्मादी भन्ने स्थानमा उक्त दुर्घटना भएको प्रहरीले जनाएको छ ।
