२० साउन, पर्वत । जिल्लाको कुश्मा नगरपालिका वा न ७ बाट लागूऔषध सहित ४ जना युवतीलाई प्रहरीले नियन्त्रणमा लिएको छ । घरमा लुकाई राखेको अवस्थामा भारी मात्रामा लागू औषधि सहित ती युवतीहरुलाई प्रहरीले नियन्त्रणमा लिएको हो ।
कुश्मा नगरपालिका वडा न ७ खरेहामा वस्ने २१ बर्षकी रोशनी नेपाली र ३० बर्षिया रविना तामाङको कोठाबाट प्रहरीले लागू औषध बरामत गरेको हो । लागू औषधिको कारोबार भईरहेको गोप्य सुचनाका आधारमा प्रहरीले उनीहरुको घरबाट उक्त लागू औषध बरामत गरेको प्रहरी निरिक्षक भुवन बरामले जानकारी दिए ।
उनीहरुसंगै लागू औषध कारोबारमा सग्लन्न रहेको आरोपमा प्रहरीले कुश्मा ७ खरेहा बस्ने २५ बर्षकी रेखा नेपाली र २६ बर्षकी श्रीष घर्ती मगरलाई पनि प्रहरीले नियन्त्रणमा लिएको छ ।
प्रहरीले उनीहरुले डेरा गरीबस्ने घरबाट उक्त सामाग्रीहरु बराबर गरी अभियुक्तलाई लागू औषध बेचविखन कार्य अन्तर्गत मुद्धा दर्ता गरेको छ ।
