सामुदायिक विद्यालयमा विद्यार्थी नभएका कारण विद्यालय भर्ना अभियान चलाएर विद्यार्थी खोजि भईरहेको बेला पर्वतको एक सामुदायिक विद्यालयमा भने विद्यार्थीको चाप थामि नसक्नु भएको छ । पर्वतको सदरमुकाम कुस्मामा रहेको नारायण उच्च माद्यामिक विद्यालयमा माध्यामिक तहसम्म अंग्रेजी माद्ययमा पढाई हुन थालेसँगै विगत ५ वर्षदेखि विद्यार्थीको चाप बढेको बढ्यै छ ।
विद्यालयमा विद्यार्थीको चाप उच्च भएपछि भर्ना गर्न समेत रोक्नु परेको विद्यालयका प्रधानाध्यापक अम्बिका लोहनीले जानकारी दिनुभयो । विद्यालयले लामो समयदेखि आफ्नो शैक्षिक अवस्थमा सुधार ल्याएसँगै अहिले नीजि बोर्डिङ स्कुल छाडेर आउनेको संख्या उच्च रहेको उहाँले बताउनुभयो ।
विद्यार्थीको संख्या उल्लेख्य बढेसँगै विद्यालयलाई समेत समस्या भएको छ । सिमित भौतिक पूर्वाधार र सिमित शिक्षक दरबन्दीका कारण विद्यालयमा विद्यार्थी भर्ना लिन समेत समस्या भएको प्रअ लोहनीले जानकारी दिनुभयो । बिद्यालयमा भवन र शिक्षक अभावका कारण विद्यार्थीको भर्ना लिन समस्या भएको छ उहाँले भन्नुभयो सरकारले उचित व्यवस्थापन नगर्दा समस्यामा परेका छौं ।
सामुदायिक विद्यालयमा विद्यार्थी संख्या निरन्तर घट्न थालेपछि सो विद्यालयले विगत ८ वर्षदेखि शैक्षिक सुधार योजना र अंग्रेजी माध्यममा शिक्षा शुरु गरेपछि अहिले विद्यार्थीको चाप धान्नै मुस्किल हुन थालेको प्रअ लोहनीले जानकारी दिनुभयो ।
विद्यालयमा विद्यार्थीको चाप बढेपछि संख्या कम गराउन प्रवेश परिक्षा लिईएको विद्यालयले जनाएको छ । यस वर्ष मात्रै विभिन्न विद्यालयबाट १ सय ५० भन्दा बढि विद्यार्थीहरु भर्नाका लागि आवेदन दिएको र आईतबार प्रवेश परिक्षा लिईएको थियो ।
