१० वैशाख, लण्डन । खाली गोडा पैताला फुटेको कमजोर आँखा हृदय फुटेको खोकिलामा गाग्री तामाको नटुट्ने भो कहिल्यै नि आँखामा आँसु झर्न मेरी आमाको “बेलायतको सांगीतिक भ्रमणमा रहेका गायक याम क्षेत्रीको गीतले उपस्थित दर्शकलाई भावुक बनायो ।
अल्डरसटस्थित एम्पायर हाउसमा पर्वत वेल्फेयर सोसाइटी यूकेले नयाँ वर्षका अवसरमा आयोजना गरेको शुभकामना साँझमा गायक क्षेत्रीले मार्मिक गीतहरु एकपछि अर्को गाए । दुई सय गीत गाएका गायक क्षेत्रीले एकपछि अर्को गीत गाउँदा पूरै हल सांगीतिक भएको थियो । शीतल दिने पीपल समी छ अरु मलाई पुगेकै छ सानु तिमी छैन, तिम्रै कमी छ गायक क्षेत्रीको यो गीतले झनै संगीतमय भयो । दोहोरी कलाकारहरु कल्पना गूरूग, मधु सूदन थापाले पनि मार्मिक गीतहरु गाए पानसमा बत्ती बालेर सोसाइटीका अध्यक्ष दधि आचार्य र उपाध्यक्ष हितकाजी गुरुङले संयुक्तरुपमा गरेका थिए ।
सोसाइटीले कार्यक्रम हल निस्शुल्क उपलब्ध गराउने एम्पायर हलका पुरन गिरी, यम भण्डारीलगायतको टिमलाई धन्यवाद ज्ञापन गरेको अध्यक्ष दधि आचार्यले जानकारी दिए ।
यसैबीच अध्यक्ष आचार्यले पर्वत समाज यूकेका निवर्तमान सचिव तथा वर्तमान सल्लाहकार हरि गुरुङका पिता सुवेदार भीमबहादुर गुरुङको ७९ वर्षको उमेरमा भएको निधनप्रति दुस्ख व्यक्त गर्दै मृतकप्रति श्रद्धाञ्जली अर्पण गरेका छन् ।
सोसाइटीका अध्यक्ष दधि आचार्यको सभापतित्वमा कार्यक्रम भएको थियो ।
