१५ चैत, पर्वत । कोरोना संक्रमण पुष्टि भएकी बागलुङकी युवतीको उपचार धौलागिरी अञ्चल अस्पताल बागलुङमै हुने भएको छ ।
राती अवेर जिल्ला प्रशासन कार्यालयमा सम्पन्न वैठकले उनको उपचार अञ्चल अस्पताल बागलुङमै गर्ने निर्णय गरेको पत्रकार हरीनारायण गौतमले जानकारी दिएका छन ।
बेल्जियमबाट नेपाल आएकी बागलुङकी ति युवतीमा कोरोना भाइरस कोभिड-१९ संक्रमण पुष्टि भएको छ । युरोपबाट फर्किएकी १९ वर्षीया युवतीमा संक्रमण पुष्टि भएको हो ।
यससँगै नेपालमा कोभिड-१९ बाट संक्रमितको संख्या औपचारिक रुपमा पाँच पुगेको छ ।
