स्थान अभावले भैरहवा महोत्सव अनिश्चित, यी हुन सक्छन् वैकल्पिक स्थान

२६ पुस, भैरहवा । भैरहवामा प्रत्येक वर्ष हुने राष्ट्रिय औद्योगिक व्यापार महोत्सव स्थान अभावले लगभग स्थगित हुने अवस्थामा पुगेको छ । आगामी माघ १३ गतेदेखि सिद्धार्थ उद्योग वाणिज्य संघले भैरहवामा गर्ने भनिएको व्यापार महोत्सव आयोजना स्थलको अभावमा लगभग स्थगित हुने भएको हो ।

भैरहवामा रहेको सिद्धार्थ उद्योग वाणिज्य संघ र उद्योग व्यापार संगठनले पालैपालो प्रत्येक वर्ष भैरहवाको सिद्धार्थ रंगशालाको मैदानमा व्यापारिक मेला आयोजना गर्दै आएका थिए । तर यस वर्ष भने स्तरोन्नती भइरहेकाले ठाउँ नपाएर मेला नहुने लगभग निश्चित भएको छ ।

यस वर्षको महोत्सव स्थगित नभएको भन्दै केही समयको लागि मात्र महोत्सवको समय सारिएको सिद्धार्थ उद्योग वाणिज्य संघका कार्यवाहक अध्यक्ष कुल प्रसाद न्यौपाने बताउँछन् ।

‘हामीले महोत्सव स्थगित नै गरेको निर्णय गरेका छैनौं । केही ढिला हुने भएको छ’, न्यौपानेले अनलाइनखबरसँग भने, ‘ठाउँ अभावका कारण महोत्सव गर्न ढिलाई भएको हो, स्थलको खोजी भइरहेको छ । एक-दुई महिना भित्र महोत्सव आयोजना गर्न सक्छौँ ।’

  • prabhu-bank-sept26.gif